MENXPAT
DELUXE

值得一讚的示範!只賣成熟而不顯老,Gill (鍾欣潼) 選擇了這樣做……

4 months ago

未知你有否發覺,論淨色衫的顏色選擇,Navy Blue可謂無得輸的配搭,既有黑色的樸實感覺,但又未至於低調到埋没個性,同時又滲出一種自然成熟的味道,再加上這隻色更是眾多顏色之中,稱得上任何膚色選穿都不至出事,絶對是每個衣櫃都值得必備。但其實去到隆重場合,貼近這種顏色的寶石,亦即藍寶石,亦發揮同等的效用,而最近為演唱會而瘦身成功的Gill (鍾欣潼),就正是一個好的示範了。

穿上淺色貼身晚裝的Gill,戴上Bulgari的藍寶石項鏈,既有女人30的華麗高貴,但又不至老氣,加上令人羨慕的身形,確實令人眼前一亮。

話雖藍寶石用盡Navy Blue的優勢,比起祖母綠、紅寶石等同階級的寶石相對易襯,但要令襯出來的觀感滲有貴氣之餘又不減青春,利用寶石的深沉色調搭配淺色晚裝的技巧正是關鍵。

剛於今屆康城影展,憑一條art deco風格的Bulgari藍寶石項鏈搶足鏡頸的Bella Hadid就正是例子。不只因為項鏈的設計用到糖果切工的藍寶石,亮度突出之外,art deco的質感,配搭來自Alexandre Vauthier的性感亮粉晚裝,型魅十足。

以Chopard的藍寶石耳環配襯淺色晚裝的法國女演員Léa Seydoux,亦同樣不減未夠30的青春優雅。

收到威廉王子的藍寶石訂婚戒指,凱特王妃亦常戴在手,即使面對日常造型,亦只覺高貴而不浮誇。

當大部分女人一生都只收到一隻訂婚戒指,Victoria Beckham卻單單在碧咸手上已接過13次這種份量的鑽戒,而且級數更不斷倍升,不過,始終還是這隻藍寶石戒指最令人印象深刻,同樣襯起淺色晚裝特別搶眼。

立即按Like,追蹤STYLE-TIPS.COM 每天facebook更新!

related news