MENXPAT
INSIDERS

TAG CHALLENGES

2 years ago
    share to

近排好流行TAG CHALLENGES, 繼先排日日係FB洗版既 “ice bucket challenge”之後, 又有 “感恩tag”, 呢幾日又係youtube同instragram見到好多被tag “20 FACTS ABOUT ME”……好啦! 我就利用下呢個潮流介紹下自己先☺

20 FACTS ABOUT ME

1)    安於現狀既C9, 由我大學未畢業已經夢想可以做全職主婦, 係屋企煮飯湊仔, 終於係去年2013年, 好感恩我既夢想實現了….
2)    小時候想生4、5個小朋友, 不過年紀大了, 而家有個仔已經好滿足, 還是希望能夠湊個 ”好”字。
3)    以前好好奇點解好像全個世界既父母都覺得自己個小朋友係最靚? 結果雖然我好理性知道我個仔係“唔靚仔”, 不過都係覺得佢好得意。(:p)
4)    典型shopaholic, 鍾意買衫, 最鍾意去東京、韓國、台灣入貨, 近年因移居澳門, 愛上online shopping。
5)    睇我外表可能覺得我好姿整, 好鍾意扮靚, 無錯, 畢竟扮靚係我既啫好同強項, 但其實自問唔算姿整, 平日(唔計出席特別場合) 我只需十分鐘便可出門, 可以唔梳頭盤起個髻就出門口, 甚至唔鍾意照鏡, 妝容方面亦主張less is more, 閒時我只愛塗睫毛液及胭脂, 可能呢樣係同我心急既性格有關, 我最花時間算係將衣服mix & match。
6)    喜歡誇張剪裁同七彩繽紛色既衣著, 自知沒有model 既長腿、九頭身型, 但穿靚衫打扮係令自己開心的方法之一, 靚衫唔需要係名牌。 
7)    好喜歡STYLING影相既工作, 因為可以將好多天馬行空既概念加入創意中, 雖不是讀fashion出身, 但之前工作一直跟shooting及styling好有關係, 所以還是深深愛上。
8)    會考主修家政, 所以我好鍾意煮野食, 亦好大食,  朋友成日笑我如果以我食量黎講, 我算瘦。( :p)
9)    好鍾意DIY禮物送比人, 更加開心收到DIY禮物, 因背後心意充滿愛, 我自己結婚亦DIY了很多accessories及擺設, 遲些跟大家分享。
10)    唔係扮野, 唔多鍾意鑽石同名牌, 唯一令我瘋狂既品牌係adidas, 但我鍾意既野太多太多………..一樣可以買到窮, 哈哈! (☺)
11)    從來唔買六合彩, 自少有一個概念就係如果個天突然送一份甘大既禮比我, 一定會係我身上收回其中一樣我好珍惜的東西。
12)    超級怕離心同畏高, 連搭時代廣場架lift我都覺得有離心。
13)    喜歡去陽光海灘地方旅行, 從前dream place馬爾代夫已經係honeymoon時去左, 還想去既地方有希臘、玻利維亞既天空之鏡、北歐睇極光、南極睇企鵝。
14)    特別鍾意小朋友同老人家, 如果我有能力既話, 希望有生之年有機會創辦一間幼稚園或老人院。
15)    除左屋企人同家庭外, 朋友對我黎講係超重要, 所以即使結了婚有自己家庭, 返親HK一定要跟要好既朋友見面, 我覺得有左家庭唔代表要犠牲所有自己朋友、興趣及私人時間, 時間係可以自己分配。
16)    我自認甚至公認係路痴、電腦白痴、科技白痴、數字白痴、錢銀概念白痴, 我老公甚至成日笑我係 “珍珠pearl” (真豬), 但我真係覺得我蠢得開心, 我至少識煮飯、自己一個係無工人無屋企人幫手下湊掂阿仔、識幫老公阿仔襯衫, 仲識DIY手作, 作為一個全職C9, 我自問勝任有餘。(:p)
17)    我跟老公有一套我地湊仔既堅持, 未必人人認同,  但我唔係盲目認為只有我既方法一定對, 更加唔代表別人既方法係錯, 只係我BUY呢套方法, 我好肯定所有父母都係為子女好, 所以跟本無需要跟人比較。
18)    從來唔介意比人知道自己年齡, 因為我覺得只要我心境、樣貌都唔似37歲已經不錯。(:p)
19)    我至尊敬同愛既人係爺爺, 雖然佢已離開左我2年幾, 但我知佢一直係我身邊。
20)    我真心感激遇到我老公, 原因在心中,(:p) 但如果你會留意及繼續追看我個BLOG既話, 遲些你一定會明白及認同。

由於只係簡單介紹自己, 就讓大家看看近幾年唔同階段既我, 包括我至愛既家人、我既婚照、大肚照同最新一家三口近照。

    share to

立即按Like,追蹤STYLE-TIPS.COM 每天facebook更新!

related news