Welcome to STYLE-TIPS.COM  
FOLLOW US
 
最新推介︰
TOP
HOME > INSIDERS > 與他共用的護膚品推介
INSIDERS
 
與他共用的護膚品推介

5 months ago

入咗行咁耐,其中最高興的莫過於是源源不絕可試用許多不同的護膚品,連我身邊的人都可共享這福氣,尤其我的另一半。

這個年代,男人都好識護膚,仲有啲要求㖭。身邊的他,被我寵壞,用過不少大品牌的男士護膚系列,心中已大概清楚什麼產品啱自己皮膚,似乎男士系列未能滿足他的需求。

總結是,大多數男士專用的護膚品都有幾個共通點,就是質地一定清爽、多含酒精、薄荷等成份(係快吸收又爽,但搽咗一陣之後好似冇搽,又或變相不夠滋潤或過份控油,反而令皮膚愈用愈乾)、產品種類少(嚟嚟去去都是基本三步曲或只注重深層清潔及控油)。所以身邊的他日日都虎視眈眈我在用什麼好東西!

有天他問:「男的都可用女的產品嗎?」答案其實是,又有何不可呢?
以下輪到我的總結是,男的大多不喜歡用的產品都有以下的共通點──味道太香太濃、質地太厚潤、用法太複習及用後即時閃閃地的都不會是他們杯茶。

以下想同各位分享我一起共用又大愛的4件護膚產品啦!

1.即時補濕及曬後紓緩 
Canvas Cucumber Soothing Mist $295

呢支100%純青瓜萃取精華,不含酒精,氣味同真青瓜一模一樣,這點已十分討好,夠晒清新,加上噴霧式設計,他當然不抗拒,即用。潔面後使用,能即時補濕,平衡肌膚水油分泌。仲有紓緩曬後紅腫發熱或敏感不適等問題,好啱夏天用。佢好鍾意曬太陽,我教佢用個膠盒放些沾滿了青瓜水的化妝棉,再放入雪櫃雪一陣,之後當面膜咁敷,迅速紓緩曬後皮膚之餘,仲好似做咗個補濕mask咁㖭。

2. 持久補濕鎖水精華
Valmont Moisturizing Serumlsion $1,290

佢成日見我用住Valmont的產品,有一天佢見到呢支補濕精華,說想試用,我話:「唔好用㗎,唔啱你用……」實情是支精華唔平,我唔想佢用晒我嘅!他即反駁我:「我唔信!見你日日用住,點會唔好用呀?」被折穿後,我見佢皮膚真係有點乾,建議他早晚薄塗全面,乳液質地唔立兼快吸收,佢之後連面霜都唔搽,不足一星期,好明顯冇晒乾紋,我仲讚佢「你好似後生咗喎……」哈哈!

3. 萬用抗老精華素
Hourglass Equilibrium Biomimetic Skin Active Serum $2,450

「呢支黑蚊蚊咩嚟㗎?咁似男裝產品?」我已經收埋嚟用,又被佢發現。想不到Hourglass出名化妝品好用,原來佢嘅護膚品都好有驚喜,我試用咗呢支精近兩個月,對我來說最明顯改善到粗大毛孔問題,皮膚感覺水潤飽滿,今個夏天連黑頭暗粒都冇乜。呢支精華最神奇是個個用都可能會有不同效果,精華入面含高濃度活性配方針對不同皮膚細胞問題而改善,不過由於含有光敏高活性分子,只適合晚間使用。我見個額頭乾得來又勁出油,成日出暗粒,我叫佢可針對額頭多塗一些,男人用優質的護膚品,真係見效好多,好明顯冇晒暗粒仲少咗出油㖭。

4. 愛不釋手深層清潔面膜
Aesop Primrose Facial Cleansing Masque

以前佢都鍾意唧下黑頭,係我叫住佢唔好亂嚟呀,毛孔會愈整愈大,愈容易積污漕嘢,仲易有黑頭甚至生暗瘡㗎! 我介紹咗佢用Aesop呢隻深層清潔面膜後,佢用仲多過我,雖然呢隻mask有香味,但都係男人接受到,尤如去了做spa的天然香薰味。每次佢敷完,佢都話覺得塊面好爽,好乾淨,但又一啲都唔會乾淨淨。自始佢仲成為咗Aesop的粉絲,買咗佢哋唔少產品。

查詢:
Aesop 銅鑼灣時代廣場連卡佛 2118 3911
Canvas 銅鑼灣時代廣場B210B號鋪 2506 3339
Hourglass 銅鑼灣時代廣場連卡佛 2118 2288
Valmont 九龍塘又一城G20號鋪 3691 8996

上一則
《想繼續裝傻卻又無力受折磨》
上一則
給10年後仍是好姊妹的信:多謝妳還會Text我
立即按Like,追蹤STYLE-TIPS.COM 每天facebook更新!

RELATED NEWS
FOLLOW US
POPULAR POST