Welcome to STYLE-TIPS.COM  
FOLLOW US
 
最新推介︰
TOP
HOME > INSIDERS > 聽聽身體怎麼說
INSIDERS
 
聽聽身體怎麼說

8 months ago

天生饞咀貪食,與食物結下不解之緣,早年做飲食版記者仔時開始與食物初邂逅,學習係鏡頭前令食物呈現本身嘅美態,或者修飾係鏡頭後你冇眼睇嘅一面,到後來係台灣上山學茶,身體力行見證感受大自然同食物之間嘅緊密連繫,到今天終於開咗第一家屬於茶嘅概念店,主打實現玩味不同甜點,一路走來,不想走,亦離不開了。

You are what you eat.呢句野聽左好耐,好老土,不過個道理都是近幾年來才開始有真正嘅體會同追求。

當新認識嘅朋友或是工作伙伴同枱食飯,佢哋唔難發現,其實我都幾揀飲擇食。揀飲係為咗可以吃得更細緻為身體選擇更好,擇食係因為太多在生產‘食物’過程中嘅道德反思,愈愛吃愈堅守自己一套飲食哲學,身體是我的,養份也是我的,我最了解自己身體需要,也不介意別人怎麼看,你理得我。

法國女人的飲食哲學絕對令人獲益良多,寧願食一片優質黑朱古力,也不要一堆廉價的吉百利,勁buy。我天生Quota太少,可以吃下的原來不多,慢食和淺嘗點到即止,都令我獲得更大嘅滿足。
 
女人的身體天生細膩,而且時刻發出訊息,期待主人能正視呢啲感受,但你你你都總因為忙碌或疲於回應其他人對自己嘅期待與需求(有時甚至係苛索!),而習慣性地忽略自己身體的感受。結果只有 - 累壞了自己。多年來背部痛的問題一直沒有被正視,日積月累的壓力與疲憊,終有一天它就要反撲,令你想係keyboard打一個字都難。

係29+1過後嘅3字頭日子,感覺彷彿同自己嘅身體更融合地連繫,每日一靜落嚟,給自己一點時間,就會聽到她和你在對話,有時她告訴你,我有點累了,想要一片朱古力補充能量,有時她想要一大塊牛扒,有時她突然要坐下來一點休息。當你愈去習慣傾聽她的話,她會更愉快地與你交流,這幾年來妝容愈來愈薄,只是稍為塗一點唇彩都可以神采飛揚,就是這個秘訣。

資料來源:網上圖片

Tags:

上一則
《唐七太空站》第一章 朱:想要生活好,買樓要趁早!
上一則
《別因為你的自我中心,最後毀掉我們的幸福》
立即按Like,追蹤STYLE-TIPS.COM 每天facebook更新!

RELATED NEWS
FOLLOW US
POPULAR POST