舉報用戶:
傳送
取消
傳送給:
傳送
取消
Welcome to STYLE-TIPS.COM  
最新推介︰
TOP
滿足的一餐@The Grill Room

7 months ago

放工後約左友人於銅鑼灣"血拼", 血拼後要搵個地方食飯, 心血來潮好想食扒仔, 友人就帶左我去呢間開餐

電梯按5字, 門一打開就見到餐廳真身, 面積唔算大, 一眼望晒, 但裝飾加上昏暗燈光都幾令人有放鬆感覺

打開餐牌, 有前菜, 主菜, 小食及各類飲品, 當然包括酒精類飲品, 呢度5-8仲係HAPPY HOUR, 飲品買一送一 

肚餓指數爆燈, 先點左菜先, 見呢度既SET DINNER都幾抵食, 包括前菜三選一, 主菜六選一, 及甜品二選一

前菜要左西蘭花忌廉湯, 所有材料打爛晒煮成香滑濃湯, 配一口小多士作為呢餐既序幕

另一款係三文魚他他配香乳酪汁 - 食到香滑三文魚粒, 份量岩岩好, 食完有陣清新感覺

講明想食扒仔, 當然睇中佢既炭燒美國安格斯肉眼配薯泥雜菌($388) 

肉眼扒有成16安士, 非常夠晒份量, 要左七成熟, 用刀一切開見到中間仲保持到粉紅色就知控制生熟程度到家!  肉質嫩滑多汁, 好濃香牛肉味, 愛牛人士必定歡喜!  仲有佢個薯泥, 香滑都無朋友, 就算兩者一齊食都唔會有太膩既感覺!

友人點了葡式香辣燒鷄配薯條椰菜沙律 ($278)

 細食既友人望見第一個反應係..............................."咁大份既?!"

包括黑松露薯條(炸得好香口, 熱辣辣架!), 椰菜沙律味道就普通左D, 作為減下肉膩感都OK!  至於個主角燒鷄, 肉質燒完仲保持肉汁, 唔會燒到嚡口, 配埋底下既葡式醬汁, 味道有少少辣, 絶對接受得到, 好得喎!

唔好記得仲有埋甜品架, 我地一致睇中呢款意式奶凍配濃朱古力湯

香滑奶凍, 面層黑色一粒粒既我估係雲呢拿籽, 一口奶凍配埋朱古力湯再加少少杏仁脆片, 口感味道有多層次變化, 我地一致讚好, 估唔到SET DINNER既甜品有咁好水準

食好飽, 再慢慢品嚐呢一次贈飲, 真係無野好講........................只好同友人講一聲: CHEERS!!

埋單每人三百幾就可以享受一餐咁好味既西餐, 回頭率有幾高?!  仲駛講既!

 

地址: 銅鑼灣駱克道459-461號The L.Square 5樓

 

contact me :  gingerszeto@yahoo.com.hk

 

 


FOLLOW US
Hottest Blogger
1

BLOGGER

RHMANDY

2

BLOGGER

KATERINA LIN

3

BLOGGER

ERICA CHEUNG

4

BLOGGER

FALAV