MENXPAT

甜得好@海記合桃坊甜品

1 year ago | GOURMET

食完晚飯, 第二個胃開始醒來, 行下行下就黎到呢間糖水舖門口, 黎遠已見門口有人等緊, 好彩等幾張就有位

 

舖面面積唔算大, 要同人親蜜少少咁坐, 甜品選擇都幾多, 冷熱新潮/傳統都有! 見佢標住合桃坊甜品, 一於試下佢碗合桃露($24)

侍應放低後, 好快已聞到合桃既香味, 質感好香滑, 味道唔太甜, 就算食晒一碗都唔會有"漏"既感覺!

 

友人選擇呢個宇治金時涼粉($32)

份量都幾大碗, 二人分享都夠, 材料包括綠茶雪糕, 紅豆, 小丸子及涼粉, 成個口感包括彈牙, 綿綿, 香滑, 有咬口...........................一個價錢都咁多口感, 抵晒!

 

呢個賣相咁吸引既係可可奶凍($37) - 奶凍口感幾滑, 但朱古力味唔算太濃, 配雪糕一球(可轉味道), 加埋少少香蕉一齊食都唔錯!

侍應反應夠快, 上食物時間都快, 由於出面門口都繼續有人等緊位, 食完就即刻埋單走人

地址 : 太子西洋菜南街232號

 

 

contact me :  gingerszeto@yahoo.com.hk

 

    Tags:

立即按Like,追蹤STYLE-TIPS.COM 每天facebook更新!