唔知幾時砵蘭街一帶開左咁多唔同類型食店, 有韓燒, 甜品店, 今晚去左呢間西餐廳 - Amour Corner

餐廳面積唔大, 燈光昏暗, 幾有情調, 都幾適合二人世界, 設有酒類供應, 亦適合三五知己黎摸下酒杯底

望下餐牌有海鮮拼盤($228)供應, 一於叫個試下! 賣相幾吸引, 望落食材亦覺新鮮

法國N4蠔幾有蠔味, 但薄身左D; 西班牙大蝦都真係幾大隻, 有大半隻叉SIZE, 肉幾彈口; 鮑魚都幾有鮑魚味, 唔錯!

見佢已經出左情人節套餐(2月14日), 但未食得住; 所以今晚叫呢個二人晚餐($298)

頭盤有香煎鵝肝多士 (好香鵝油味, 多士好脆, 好味)及巴馬火腿蜜瓜 (蜜瓜既甜味配火腿咸香, 好過癮)

餐湯係磨菇湯(好淡, 似無落調味, 但我接受到), 再有凱撒沙律 (清一清味蕾以等待主菜)

主菜可7選2, 我地㨂左牛柳扒及羊架

牛柳扒點左七成熟, 切開中間仲見到少少紅肉, 無overdone, 加分!  肉質多汁嫩滑, 配埋香滑薯容都飽肚

羊架一客有3件, 亦點左7成熟, 肉質食落滿口香草味, 唔太"蘇", 喜歡食羊既朋友好快就清晒!

晚餐仲包括意式奶凍配雪糕窩夫加餐飲, 我加$10轉飲Mocha, 味道香滑, 值得加錢

二百幾蚊已經有咁豐富既二人晚餐, 加多個海鮮拼盤都唔駛六百

味道唔錯之餘又食得有情調, 侍應服務都幾令人滿意, 要向朋友推介呀!

Amour Corner地址 : 旺角砵蘭街106號地下

contact me :  gingerszeto@yahoo.com.hk

Tags:

立即按Like，追蹤STYLE-TIPS.COM 每天facebook更新！